歡樂還歡樂,記得安全至上,有套先有性

發布者 wdadmin 2019/06/15 4 評論

朋友飯局中,開左一個話題,安全性行為。香港地既教育真係比較保守,老師父母都好怕提及性呢個話題,但大家都年輕過,唔通已經忘記左自己年輕時對性既好奇?對性既期待同幻想?

 

話題開始係因為有朋友飯局中有d遊魂,大家就關心佢發生咩事,事緣係朋友讀緊大學既弟弟,中學時代已經初嘗禁果,到入到大學更結識到一班志同道合既好朋友,成日情陷夜中環,老蘭又好,大學入面又好,都可以識到好多有benefit 既朋友(即係friend of benefit ,可以有性關係既朋友) ,活色生香聽到都羨慕。

 

當大家都好興奮咁了解時下年輕人情趣生活既樂事,有幾精彩有幾情趣,爭d唔記得左問朋友咩事咁愁。

 

朋友話,班學生哥錢唔多,但有d都會怕上身,會買定安全套,有d就真係到時先算。有d學生哥就貪平,去藥房買$5-$20 拆散賣一個既安全套。

 

我地聽到都呆一呆,歡樂還歡樂,安全套主要功能除左可以避孕,更重要係為左避免感染性病,愛滋病等疾病風險。拆散賣既安全套,其實真係太危險喇,都唔知儲存得好唔好,唔知有無穿到,到時用左等如無用,更可能唔夠衛生,對男女都唔好。

其實性關係,真係一定要準備安全套,仲要用岩自己size,緊急時問朋友兄弟借,咁人地既size 係咪岩自己。我地既飯局又滿場既興奮變左擔心,其實大學生都算係半成年人,如果用安全套既意識都唔清楚同唔了解,除左好大機會突然由學生變身做左為人父母,更可能染上唔同既病。如果因一時之快,影響大家一生,又值得咩。

加上宜家買安全套真係好方便,怕尷尬的話,上網情趣用品店24小時落單,加少少錢就可以即時送貨,同埋安全套既期限都好長,買定旁身,幾時用都得,仲有唔同款式安全套增添情趣,令大家開心時都增加趣味。

 

試想想,父母擔心你咁早有性行為,更擔心不安全性行為。記住安全性行為,男女有責,女仔都應該要堅守,有套先有性。

 

如果真係出左意外或有疑慮,千萬唔好收埋自己,可以聯絡家計會幫手。

文章來源: DreamToyhk.com