如何選擇適合自己的安全套?

發布者 shanice 2019/02/12 5 評論

如何選擇適合自己的安全套?

 

其實呢個問題真係好多客人問過, 所以都想簡單而隆重地介紹返。本身題目係想寫:

如何1秒帶好安全套?

 

不過為左大家既安全著想,都係同大家講解下點先可以揀到適合自己既安全套先。

 

 

有3點應該要留意:

 

第1點 - 認識自己

了解自己既真實尺碼:

通常安全套尺碼,係以毫米mm為量度單位。

 

安全套尺寸有特定既量度標準,主要分長度(勃起後既總長度)、

圓周(陰莖最粗既位置),同埋闊度(圓周除2)。

 

- 千萬唔好嫌麻煩,因為用左過小或過大既安全套,會影響過程既性快感

 

- 好多時令你產生唔想帶安全套既想法: 你會覺得「戴套真係好唔舒服」

 

- 帶錯安全套仲可能會影響勃起功能,甚至令安全套破裂或者脫落

 

第2點 - 認識安全套

唔同物料既安全套就有唔同作用

長話短說,

有興趣既朋友先慢慢睇最下面既補充資料。

 

1. 適合有乳膠過敏既人,但唔防病菌- 羊皮膜Condom

 

2. 市面最多款,最有彈性,記得最好買細過自己真實尺寸2毫米mm- 乳膠Condom (最薄做到0.03)

 

3. 用家覺得夠薄有快感,但無咁有彈性 - PU物料Condom (最薄做到0.02 - 0.01)

 

4. 適合對乳膠同PU過敏既人,傳熱效果好 - PI物料Condom (比較少款同貴$$)

 

*一定要提大家千萬唔好兩個套一齊用,因為磨擦越多越易穿

 

 

第3點 - 安全套既安全準備

 

1. 買Condom時記得睇下包裝寫幾時到期,千萬唔好係便利店怕尷尬隨手就拎盒俾錢。到用既時候都唔好用過期安全套。

 

2. 去歐美旅遊,或買歐美牌子安全套時要留意當地尺寸,東方人可能會覺得戴起黎寬鬆唔夠貼服,所以為保安全, 都係亞洲牌子比較穩陣。

 

3. 機會留俾有準備既人, 如果少有機會用Condom既朋友,都應該有時間就試下唔同牌子既安全套,因為唔好到套要用時方恨經驗太少。

 

 

補充資料:

- 羊皮膜:成分天然,乳膠過敏者合用;由於羊皮膜有微細孔洞,不能防止HIV、STD等疾病,只能避孕。   

- 乳膠:市面輕易找到,具彈性;最好揀比自己闊度窄約2毫米mm既size,

例如你既闊度為55毫米,選52毫米便較不易鬆脫,因為有彈性感覺也不會太緊窄。   

- PU物料(聚氨酯):非常透薄的物料,可造出0.02套套的厚度,呢點是乳膠做唔到出的,

用家會較有快感;缺點是彈性不足,故要揀岩尺碼,若你的闊度為55毫米就揀55毫米,這樣便剛好合身。   

- PI物料(Polyisoprene):最新的安全套物料,係醫學用既物料,適合對乳膠或PU物料過敏的人士,

且傳熱快,更接近肌膚觸摸的感覺,真實感提高。 

 

 

 

 

 

 

 

Loading...